తెలుగు తల్లి – శ్రీశ్రీ

అదెవో తెలుగు తల్లి

అందాల నిండు జాబిల్లి

ఆనందాల కల్పవల్లి

అదె నీ తెలుగు తల్లి

పదవోయ్ తెలుగువాడా

అదె నీ తెలుగు మేడ

సంకెళ్ళు లేని నేల

సంతోష చంద్రశాల

కనవోయ్ తెనుంగు రేడా

అదే నీ అనుంగు నేల

అదిగో సుదూరవేల

చనవోయ్ తెలుగు వీరా

స్వర్గాల కాంతి స్వప్నాలు

స్వప్నాల శాంతి స్వర్గాలు

నిన్నే పిలుస్తున్నాయి.

నిన్నే వరిస్తున్నాయి

ఆందోళనాల డోల

సందేహాల హిందోళ

ఎందాక ఊగిసలాట

ఇదె నీ గులాబీ తోట

సరి అయిన తెలుగు _ రచన సత్తి సునీల్ గారు

“నీరజ్ చోప్రా vs. నీరజ్ చోప్డా”

NEERAJ CHOPRA అనే 23 ఏళ్ళ భారత ఆర్మీ సుబేదార్ ఇటీవల టోక్యో లో జరిగిన ఒలింపిక్స్ -2020 లో పురుషుల ‘జావెలిన్ త్రో’ క్రీడలో స్వర్ణ పతకం మన దేశానికి తీసుకవచ్చాడు … హరియాణా రాష్ట్రం, పానీపత్ ప్రాంతానికి చెందిన ఇతను ఆర్మీలో “4 – రాజ్ పుతానా రైఫిల్స్” కు చెందిన వాడు …. రాజ్ పుతానా రైఫిల్స్ నే హ్రస్వ రూపం లో “రాజ్ రిఫ్ – RAJ RIF” అంటారు ….

విషయంలోకి వద్దాం … NEERAJ CHOPRA అన్న పేరును తెలుగులో ఎలా రాయాలి? … యధాలాపంగానే చాలావరకు తెలుగు పత్రికా మాధ్యమాలు, ప్రసార మాధ్యమాలు, సామాజిక మాధ్యమాలు “నీరజ్ చోప్రా” అని రాసేశాయి … చదివేశాయి … నాలాంటి వారు ఒకరిద్దరు “నీరజ్ చోప్డా” అని అనడం కూడా రాశాము … అదెట్టా అని అడిగిన వారికి, అదిట్టా అని కూడా వివరంగా కూడా టపాలు పెట్టాను … ఉత్తర భారత దేశంలో కొన్ని కొన్ని చోట్ల (కొన్ని కొన్ని పదాలలో) R అక్షరం పదము మధ్యలోగానీ, చివరలో గానీ వస్తే దాన్ని “డ” గా ఉచ్ఛరిస్తారు అని … నిజానికి B R CHOPRA ను “బి ఆర్ చోప్డా” అంటారు … PREM CHOPRA ను “ప్రేమ్ చోప్డా” అంటారు … PRIYANKA CHOPRA ను “ప్రియంకా చోప్డా” అంటారు … (ప్రియాంక అనడం కూడా తప్పే, ప్రియంకా సరైనది … అక్కడ ఉత్తర భారతం లో) ….

ఈ విషయం లో చిన్నపాటి రీసెర్చ్ చేశాను …. ఈ విధమైన ‘ర’ అక్షరం ‘డ’ అక్షరంగా కొన్ని కొన్ని చోట్ల ఎందుకు ఉచ్ఛరిస్తారు … ఎవరైనా భాషా శాస్త్రజ్ఞులు చెప్పాలి … అయితే ఈ ప్రధ గుజరాత్, రాజస్థాన్, పంజాబ్, హరియాణా, దిల్లీ, హిమాచల్ ప్రదేశ్, ఉత్తర్ ప్రదేశ్, ఉత్తరాఖండ్, బిహార్, ఝార్ ఖండ్, ఛత్తీస్ గఢ్, మధ్య ప్రదేశ్, ఒడిశా, పశ్చిమ బంగాల్, అసోమ్, తెలంగాణా మొదలైన రాష్ట్రాలలో ఉన్నది … రాష్ట్రాల పేర్లలో, నగరాల పేర్లలో, ప్రదేశాల పేర్లలో, మనుషుల పేర్లలో, భోజన పదార్ధాల పేర్లలో, వస్తువుల పేర్లలో, నిర్మాణాల పేర్లలో విస్తారంగా ఉంది … మొత్తం భారత దేశంలో ఇలాంటివి కొన్ని వేలు ఉంటవి … స్థానికులు ఎలా పలుకుతారో మనం ఆలా పలకాలి … అంతే కానీ, మాకు ఇది సౌఖ్యంగా ఉంది మేము ఇలానే పలుకుతాము అంటే అంత బాగోదు …

నేను గమనించిన కొన్ని పదాలు కింద ఇస్తున్నాను … అక్షర క్రమంలో … IN ALPHABETICAL ORDER …. భాషా ప్రేమికులు, మాధ్యమాల వారు ఒక సారి చూడండి …. “నచ్చితే డౌన్ లోడ్ చేసుకుని భవిష్యత్తు రిఫరెన్స్ కోసం ఉంచుకోండి” ….

1. AZAMGARH … (U P) … ఆ జ మ్ గ ఢ్ … ఆజం ఘర్ / ఆజం గర్ అనడం తప్పు …
2. ALIGARH …. (U P) … అ లీ గ ఢ్ సరైనది …. అలీఘర్ / ఆలిగర్ అనటం తప్పు … అలీగఢ్ ముస్లిం యూనివర్సిటీ గుర్తుందా …
   3.. BAHADURGARH …. (RAJASTHAN ) … ఝు న్ ఝు ను జిల్లా – బహాదుర్ గఢ్ సరైనది … బహదూర్ గర్ తప్పు …
3. BALLABHGARH …… (HARYANA ) … ఫరీదాబాద్ జిల్లా – బ ల్ల భ్ గ ఢ్ సరైనది … బల్లబ్ ఘర్ తప్పు …
4. BARGARH … (ODISHA) … బ ర్ గ ఢ్ (సిటీ & జిల్లా) సరైనది … బార్ ఘర్ తప్పు …
5. BARMER … (RAJASTHAN ) … బా డ్ మే ర్ సరైనది …. రెండవ పెద్ద జిల్లా – బాడ్ మేర్ నగరం కూడా ఉంది … బార్మర్ / బర్మేర్ అనటం తప్పు …
6. CHANDIGARH … (UNION TERRITORY ) ,,, చం డీ గ ఢ్ సరైనది … చండీ ఘడ్ / చండీ గర్ అనటం తప్పు …
7. CHHATTISGARH … (STATE ) …. ఛ త్తీ స్ గ ఢ్ సరైనది …. ఛతీస్ ఘర్ / చతీస్ గర్ అనటం తప్పు ….
8. CHAWRI BAJAR … DELHI …. చా వ్ డీ బా జా ర్ …. (ఓల్డ్ దిల్లీ) … చావరి బజార్ అనటం తప్పు …
9. CHHINDWARA …. (MADHYA PRADESH ) …. ఛి న్ ద్వా డా సరైనది …. చింద్వారా అనటం తప్పు ….
10. CHITTORGARH … (RAJASTHAN ) … చి తో డ్ గ ఢ్ జిల్లా – చితోడ్ గఢ్ సరైనది … చిత్తూర్ గర్ తప్పు …
11. CHURIWALAN … OLD DELHI …. చూ డీ వా లా సరైనది …. చురీవాలన్ అనటం తప్పు ….
12. DEOGARH … (ODISHA) … దే వ్ గ ఢ్ (సిటీ & జిల్లా) సరైనది … డియోఘర్ తప్పు …
13. DHARKAN … (BOLLYWOOD FILM ) …. ధ డ్ క న్ సరైనది …. ధర్ కన్ అనటం తప్పు ….
14. DIBRUGARH … (ASOM) …. డి బ్రూ గ ఢ్ సరైనది … దిబ్రు ఘర్ /దిబ్రు గర్ అనటం తప్పు ….
15. DONGARGARH … (CHHATTISGARH ) … డోం గ ర్ గ ఢ్ సరైనది …. దొంగర్ గర్ అనటం తప్పు ….
16. GAUR (NORTH INDIAN SURNAME) …. గౌ డ్ సరైనది …. గౌ ర్ అనటం తప్పు ….
17. GARH …. (కోట) …. గ ఢ్ సరైనది … ఘడ్ / గర్ అనటం తప్పు ….
18. GARHI … (చిన్న కోట / కోట లాంటి పెద్ద ఇల్లు) … గ ఢీ సరైనది …. ఘరి/ గర్హి అనటం తప్పు … (తెలంగాణా రాష్ట్రంలో స్థానిక జమీందారులు / భూస్వాములు / దొరల ‘గఢీలు’ ఇవే )
19. GOVINDGARH …. (మధ్య ప్రదేశ్) …. గో విం ద్ గ ఢ్ సరైనది …. గోవింద్ ఘర్ అనటం తప్పు ….
20. GUR … (బెల్లం) …. ‘గుడ్’ సరైనది … గుర్ అనటం తప్పు ….
21. HANUMANGARH … (RAJASTHAN ) …. (నగరం + జిల్లా పేరు) … హనుమాన్ గఢ్ సరైనది … హనుమాంగర్హ్ అనటం తప్పు ….
22. HAPUR (UTTAR PRADESH ) …. ‘హా పు డ్’ సరైనది …. హాపూర్ అనడం తప్పు …
23. HARKANA … (FORCED TO TURN AWAY / అరవడం /తిట్టడం) … హ డ్ కా నా సరైనది …. హర్కానా అనడం తప్పు …
24. HOWRAH … (WEST BENGAL ) …. హా వ్ డా సరైనది …. హౌరా అనటం తప్పు ….
    26 JAKHAR BALRAM (RAJASTHAN) …. జా ఖ డ్ సరైనది …. జక్కర్ అనటం తప్పు ….
25. JALPAIGURI … (WEST BENGAL ) …. జల్[పాయ్ గుడీ సరైనది …. జల్[పాయ్ గురి అనటం తప్పు ….
26. JAYA BHADURI … (WEST BENGAL ) … జ యా భా దు డీ సరైనది … జయా భాదురి అనటం తప్పు ….
27. JUNAGARH … (GUJARAT) … (నగరం + జిల్లా పేరు) … జునాగఢ్ సరైనది … జునాగర్ / జునాఘర్ అనటం తప్పు ….
28. KAKKAR … (NORTH INDIAN SURNAME) …. కక్కడ్ సరైనది … కక్కర్ అనటం తప్పు ….
29. KHAIRAGARH … (CHATTISGARH) …. (రా జ్ నాం ద్ గా వ్) … ఖై రా గ ఢ్ సరైనది …. ఖైరాగర్ అనటం తప్పు ….
30. KHARAGPUR …. (WEST BENGAL ) …. ఖ డ గ్ పు ర్ సరైనది …. ఖరగ్ పూర్ అనటం తప్పు ….
31. KHARORE … (N.V. SOUP) …. ఖ రో డే సరైనది …. ఖరోరే అనటం తప్పు …. (మేక/ కోడి కాళ్ళ సూపు) …
32. KIRORI MAL (COLLEGE) … (NEW DELHI) … కి రో డి మ ల్ సరైనది …. కిరోరి మల్ అనటం తప్పు ….
33. KISHANGARH (AJMER Dt ., RAJASTHAN ) … కి శ న్ గ ఢ్ సరైనది …. కిషన్ గర్ అనటం తప్పు ….
34. KUMBHALGARH (Rajsamand Dt) , RAJASTHAN … కుం భ ల్ గ ఢ్ సరైనది …. కుంభాల్ గర్ అనటం తప్పు ….
35. KUPWARA …. (J & K) …. కు ప్ వా డా సరైనది …. కుప్ వారా అనటం తప్పు ….
36. MARWAR … (A Region in Rajasthan) …. మార్వాడ్ సరైనది …. మార్వార్ అనటం తప్పు ….
37. MARWARI …. (Rajasthan) …. మా ర్వా డీ సరైనది …. మార్వారీ అనటం తప్పు ….
    40.. MEWAR … ( Rajasthan) …. మే వా డ్ సరైనది …. మేవార్ అనటం తప్పు ….
38. MAIDANGARHI …. ( S. W. DELHI ) …. మై దా న్ గ డీ సరైనది …. మైదాన్ గరీ/ మైదాన్ గర్హీ అనటం తప్పు …. (IGNOU ఉంది ఇక్కడ)
39. MUJAFFERGARH … (VIDISHA, MADHYA PRADESH) … ము జ ఫ్ఫ ర్ గ ఢ్ సరైనది …. ముజఫర్ గర్ అనటం తప్పు ….
40. MUKUNDGARH … (JHUNJHUNU Dt, RAJASTHAN) …. ము కుం ద్ గ ఢ్ సరైనది …. ముకుంద్ గర్ అనటం తప్పు ….
41. NAJAFGARH …. (DELHI) …. న జ ఫ్ గ ఢ్ సరైనది …. నజఫ్ గర్/ నజఫ్ ఘర్ అనటం తప్పు ….(వీరేందర్ సహ్వాగ్ ను ‘నజఫ్ గఢ్ కా నవాబ్’ అంటారు … సెహ్వాగ్ అనటం తప్పు … సహ్వాగ్ అనటం సరైనది …)
42. NARAINGARH … (AMBALA , HARYANA) …. నా రా య ణ్ గ ఢ్ సరైనది …. నారాయణ్ గర్ అనటం తప్పు ….
43. NUMALIGARH … (GOLAGHAT Dt .. . ASOM) …. ను మా లీ గ ఢ్ సరైనది …. నుమాలి గర్ అనటం తప్పు …. (ఆయిల్ రిఫైనరీస్)
44. PATNAGARH …. (BALANGIR Dt.. ODISHA) …. ప ట్నా గ ఢ్ సరైనది ….. పాట్నగర్ / పాట్నఘర్ అనటం తప్పు ….
45. PITHORAGARH … (UTTARAKHAND) ( సిటీ & జిలా) …. పి థో రా గ ఢ్ సరైనది ….. పితోరాగర్ / పితోరాఘర్ అనటం తప్పు …
    49 PHAGWARA … (PUNJAB ) ….. ఫా గ్ వా డా …. సరైనది ….. ఫా గ్ వా రా అనటం తప్పు …
46. PRATAPGARH …. (UTTAR PRADESH) (సిటీ & జిలా) …. ప్ర తా ప్ గ ఢ్ సరైనది ….. ప్రతాప్ గర్ / ప్రతాప్ ఘర్ అనటం తప్పు …
47. RABRIDEVI … (BIHAR) (మాజీ ముఖ్య మంత్రి) …. రా బ్డీ దే వీ సరైనది ….. రాబ్రీ దేవి అనటం తప్పు …
48. RAMGARH … (JHARKHAND) ( సిటీ & జిలా) …. రా మ్ గ ఢ్ సరైనది ….. రా మ్ గర్ / రా మ్ ఘర్ అనటం తప్పు …
49. ROORKEE …. (UTTARAKHAND) ….. రూ డ్ కీ సరైనది ….. రూర్కీ అనటం తప్పు …
50. ROPAR …. (PUNJAB ) …. రో ప డ్ సరైనది ….. రోపార్ అనటం తప్పు …
51. SARI / SARRY … (కట్టుకునే చీర) …. ‘సాడీ’ సరైనది ….. శారీ అనటం తప్పు …
    56 SATPURA …. (MOUNTAIN RANGE) ….. సా త్పు డా సరైనది ….. సాత్పుర అనటం తప్పు … …..
52. SEVOKE MORE …. (DARJEELING Dt, WEST BENGAL) , సేవక్ మోడ్ సరైనది ….. సివోకే మోర్ అనటం తప్పు …
53. SILIGURI … (DARJEELING Dt, WEST BENGAL) …. శి లీ గు డీ/ సి లి గు డీ సరైనది ….. సిలిగురి అనటం తప్పు …
54. SITAMARHI …. (BIHAR) ….. సీ తా మ డీ సరైనది ….. సీ తా మా ర్హి అనటం తప్పు …
55. SUNDARGARH …. (ODISHA) …. (సిటీ & జిలా) …. సుందర్ గఢ్ సరైనది ….. సుందర్ గర్/ సుందర్ ఘర్ అనటం తప్పు ….
56. SURAJGARH …. (JHUNJHUNU Dt. RAJASTHAN) …. సూరజ్ గఢ్ సరైనది ….. సూరజ్ గర్/ సూరజ్ ఘర్ అనటం తప్పు …
57. SURATGARH … (SRI GANGANAGAR Dt, RAJASTHAN) …. సూరత్ గఢ్ సరైనది ….. సూరత్ గర్/ సూరత్ ఘర్ అనటం తప్పు …
58. TIKAMGARH …. (MADHYA PRADESH) …. టీ క మ్ గ ఢ్ సరైనది ….. తి కామ్ గ ర్ అనటం తప్పు …
59. TITAGARH … (North 24 Paraganas, WEST BENGAL) …. టి టా గ ఢ్ సరైనది ….. టిటాగర్/ టిటాఘర్ అనటం తప్పు …
60. TITL AGARH … (Balangir Dt , ODISHA ) …. టి ట్లా గ ఢ్ సరైనది ….. టిట్లాగర్/ టిట్లాఘర్ అనటం తప్పు …
61. UTTAR PARA …. (WEST BENGAL) ….. ఉ త్త ర్ పా డా సరైనది ….. ఉత్తర్ పారా అనటం తప్పు …
    భాషా ప్రేమికులు, మాధ్యమాల వారు ఒక సారి చూడండి …. “నచ్చితే డౌన్ లోడ్ చేసుకుని భవిష్యత్తు రిఫరెన్స్ కోసం ఉంచుకోండి” ….
    అందరికీ స్వాతంత్ర్య దినోత్సవ శుభాకాంక్షలు ….
    సత్తి సునీల్ … 15-8-2021 / ఆదివారం … విశాఖపట్న