Telugu lo kaburlu చెప్పాలని ఉంది !

పాలబుగ్గల జీతగాడా
పసులుగాసె మోనగాడా
పాలుమరచి ఎన్నాళ్ళయిందో
ఓ ..పాలబుగ్గల జీతగాడా
కోలువు కుదిరి ఎన్నాళ్ళయిందో !

చాలిచాలని చింపులంగి
చల్లగాలికి సకమకాలి
గోనె సంచి కొప్పునీపెట్టావా
ఓ ..పాలబుగ్గల జీతగాడా
దానిచిల్లులెన్నో లెక్కబెట్టావా  !
 
తోలు జగ్గల కాలిజోడు
తప్పటడుగుల నడకతీరు
బాటలో పనిలేకుండయిందా
ఓ ..పాలబుగ్గల జీతగాడా
చేతి కర్రె తోడై నిలిచిందా   !

మాయ దారి ఆవు దూడలు
మాటి మాటికి ఎనుకు దునికి
పంట చేను పాడు చేశాయా
ఓ ..పాలబుగ్గల జీతగాడా
పాలికాపు నిన్నే కోట్టాడా !

(ఇది చిన్నప్పుడు రేడియోలో వినేవాడిని ఇక ఎన్ని చరణాలు వున్నాయో గుర్తులేదు , రాసినది ఏవరో  కూడా తెలియదు కాని శ్రవ్యంగా పాడితే చాలా ప్రభావితముగా వుంటుంది …ఎప్పుడోవిన్న పాట తప్పులు వుంటె ఎత్తి చూపండి సరి చేసుకోంటాను)